logo
  • Sunday, September 15, 2019
  • वि.सं २९ भाद्र २०७६, आईतवार

के होला त नयाँ युगको सुरुवात? साउन १ बाट सामाजिक सुरक्षा कोष कार्यान्वयनमा

वि.सं १ श्रावण २०७६, बुधबार २३:०२
Blog single photo

के होला त नयाँ युगको सुरुवात? साउन १ बाट सामाजिक सुरक्षा कोष कार्यान्वयनमा

काठमाडौं । प्रधानमन्त्री केपी शर्मा ओलीले २०७५ साल मंसीर ११ गते शुभारम्भ गर्नुभएको योगदानमा आधारित सामाजिक सुरक्षा योजना आज (साउन १)बाट औपचारिक रुपमा कार्यान्वयनमा आएको छ ।

यसबाट नेपाली जनताले सामाजिक सुरक्षा पाउने संविधानको मौलिक हकलाई सुनिश्चित गर्न महत्वपूर्ण आधार तय भएको सामाजिक सुरक्षा कोषले जनाएको छ ।

सामाजिक सुरक्षा कोषले प्रारम्भमा औषधी उपचार तथा मातृत्व सुरक्षा योजना, दुर्घटना तथा अशक्तता सुरक्षा योजना, आश्रित परिवार सुरक्षा योजना र बृद्धावस्था सुरक्षा योजना सहित चार वटा योजना सञ्चालन गर्ने जनाइएको छ ।

यस योजनामा सहभागी हुन आधारभूत पारिश्रमिक मध्य सम्बन्धित रोजगारदाताले २० प्रतिशत र योगदानकर्ताले ११ प्रतिशत गरी कूल ३१ प्रतिशत रकम कोषमा जम्मा गर्नुपर्ने व्यवस्था सरकारले गरेको छ ।

योगदान बापतको रकम कोषमा जम्मा गरे पश्चात मात्र कोषले सञ्चालनमा ल्याएका योजना बमोजिमका सुविधाहरु प्राप्त गर्न सकिनेछ । सरकारले यससम्बन्धी कार्यविधि २०७५ परिमार्जन गरी सूचिकृत हुन बाँकी रोजगारदाता तथा योगदानकर्ता कोषमा सूचिकृत हुने समयाबधी २०७६ असोज मसान्तसम्म हुनेगरी आदेश जारी गरेको छ ।




Top