logo
  • Sunday, September 27, 2020
  • वि.सं ११ आश्विन २०७७, आईतवार

भदौ १७ बाट दैनिक दुई अन्तर्राष्ट्रिय उडान सुरु हुने

स्टिम न्युज वि.सं १० भाद्र २०७७, बुधबार १०:०२
भदौ १७ बाट दैनिक दुई अन्तर्राष्ट्रिय उडान सुरु हुने

काठमाडौं। सरकारले पूर्वघोषणा गरे अनुसार भदौ १७ बाट दैनिक अन्तर्राष्ट्रिय उडानका नियमित तथा चार्टर्ड उडान गर्ने भएको छ । संस्कृति पर्यटन तथा नागरिक उड्डयन मन्त्रालयले भदौ १७ देखि नियमित २ र चार्टर्ड १ उडान गर्ने तालिका सार्वजनिक गरेर भदौ १६ गतेदेखि हुने नियमित र चार्टर्ड उडानबारे जनाएको छ ।

नियमित र चार्टर्ड उडान गरी भदौ १६ देखि असोज १४ गतेसम्म जम्मा ८७ उडान हुनेछन् । तालिका अनुसार भदौ १७ अर्थात सेम्टेम्बर २ देखि ३० सम्म नियमित उडान हुनेछन् । त्यस्तै सेम्टेम्बर २ देखि ३० सम्म ६० वटा नियमित उडान हुने भएका छन् भने २७ वटा चार्टर उडान हुने तालिकामा जनाइएको छ ।

तालिका अनुसार नियमित उडानतर्फ मलेसियाको मालिन्दो एयर तथा मलेसियन एयरलायन्स, टर्किको टर्किस एयरलायन्स, हङकङको क्याथे ड्रयागन, कोरियाको कोरियन एयर, चीनको चाइना साउर्दन, एयर चाइना, साउदी अरबको एयर अरेबिया, कतारको कतार एयरवेज र दुबईको फ्लाई दुबई गरि १० वटा वायुसेवाले नियमित उडान भर्नेछन् ।

त्यस्तैगरी नेपालका जहाज कम्पनीहरुले पनि उडानको अनुमति पाएका छन् । हिमालय एयरलाइन्सले चिनको टोङकुइन, मलेशिया र साउदीबाट उडान भर्न अनुमति पाएको छ । त्यस्तै नेपाल वायुसेवा जापानको नारिता, दुबई, मलेसिया र हङकङबाट उडानको अनुमति पाएको छ ।

उता चार्टर्ड उडानको जिम्मा पाएको नेपाल एअरलाइन्स, हिमालय एअरलायन्स, कतार एयरवेज, जजिरा एअर, र सलाम एअरले साउदी, कुवेत, बहराइन र कतारमा अलपत्र परेका नेपालीहरुको उद्धार गर्नेछ। उनीहरुले २७ उडान भर्ने जिम्मा पाएका छन् ।

सुरुवाती चरणमा नेपालीहरूका लागि मात्र उपलब्ध गराइने हवाई उडानबाट नेपाल आउन चाहनेले पीसीआर परीक्षणमा कोभिड–१९ नभएको (नेगेटिभ) रिपोर्ट पेस गर्नुपर्ने शर्त राखिएको छ। नेपाल आएपछि अनिवार्यरुपमा १४ दिन क्वारेन्टिनमा बस्नुपर्ने छ।

उनीहरुले सरकारले राखेको वेवसाइटमा आफ्नो नाम र ठेगाना राख्नुपर्ने छ । र, नेपाल आएपछि एयरपोर्ट मै पीसीआरको नेगेटिभ रिपोर्ट देखाउनुपर्नेछ । उता बिदेशमै पीसीआर परीक्षण सुविधा नभएको मुलुकबाट नेपाल आएका यात्रुहरुले भने काठमाडौंमा होटल क्वारेन्टाइनमा शसुल्क बस्नु पर्नेछ । ७ दिनको होटल क्वारेन्टाइन बसाइपछि पीसीआर परीक्षण गरेपछि मात्रै द्दर जान पाउनेछन् ।

विश्वभर कोरोना महामारी फैलिएपछि गत चैत ९ देखी व्यावसायिक हवाइ उडान बन्द भएको थियो।



Loading...
loading...

Top