logo
  • Thursday, April 2, 2020
  • वि.सं २० चैत्र २०७६, बिहीबार

ग्रामीण भेगमा पाठेघर समस्या

वि.सं १२ बैशाख २०७६, बिहीबार १४:००
ग्रामीण भेगमा पाठेघर समस्या

ग्रामीण भेगमा पाठेघर समस्या

जुम्ला, १२ वैशाख: पातारासी गाउँपालिका– ५ की ८५ वर्षीया लाउरी बुढाले बुधबारदेखि सञ्चालन भएको दुईदिने निःशुल्क स्वास्थ्य शिविरमा आफ्नो स्वास्थ्य परीक्षण गर्नुभयो ।

उहाँको स्वास्थ्य परीक्षण गर्दा पाठेघरमा समस्या देखियो । उहाँले भन्नुभयो, “सधै गनाउने सेतोपानी झर्ने, ढाड दुख्नेजस्ता लक्षण देखिएकाले स्वास्थ्य परीक्षण गर्दा पाठेघरमा समस्या देखियो ।” त्यस्तै अर्का स्थानीय ६५ वर्षीया काली बुढाको पनि स्वास्थ्य परीक्षणमा पाठेघरकै समस्या देखियो ।

गाउँपालिकाका स्वास्थ्य उपसंयोजक रतन बुढ्थापाका अनुसार निःशुल्क उपचारसहितको स्वास्थ्य परीक्षणमा यहाँका अधिकांश महिलाको पाठेघरमा समस्या देखिएको छ । उहाँले भन्नुभयो, “महिलाको पाठेघरमा समस्या देखिनुको प्रमुख कारण भनेको कलिलै उमेरमा विवाह गर्नु, प्रजनन अङ्ग परिपक्व नहुँदै बच्चा जन्माउनु, बढी बोझिला काम गर्ने र पोषणयुक्त खानाको आभाव नै हो ।”

उहाँका अनुसार यहाँको घरदैलोमै निःशुल्क स्वास्थ्य परीक्षण गरी महिलाका पाठेघरमा देखिएका समस्याका विषयमा औषधि उपचारदेखि जटिल समस्या देखिएका महिलालाई सुविधा सम्पन्न अस्पतालमा पठाउने व्यवस्था गरिएको छ ।

बाल विवाहविरुद्ध घरदैलो अभियान

पातारासी गाउँपालिकाले बाल विवाहविरुद्ध घरदैलो अभियान सञ्चालन गर्ने अध्यक्ष लक्षिमन बोहोराले बताउनुभयो । उहाँका अनुसार जुम्ला जिल्लामा पातारासी गाउँपालिका बाल विवाह गर्नेमा पहिलो नम्बरमा पर्दछ । यसबाट बालबालिकाको पठनपाठनदेखि स्वास्थ्यमा समस्या पर्ने भएकाले पनि बाल विवाहविरुद्ध अभियान सञ्चालन गर्नुपर्ने अवस्था आएको उहाँको भनाइ छ ।

बाल विवाह गर्ने र प्रजनन अङ्ग परिपक्व नभएरै बच्चा जन्माउनाले महिलाको पाठेघरमा बढी समस्या देखिने गरेको छ”, उहाँले भन्नुभयो, “स्वास्थ्य शिविरमा स्वास्थ्य परीक्षण गर्ने अधिकांश महिलाका पाठेघरमा समस्या देखिएको छ । बाल विवाहले अर्काे समस्या पनि देखिएको छ ।” उमेर नपुगेरै बालविवाह गर्ने र पछि सम्बन्धविच्छेद पनि हुने गरेको उहाँको भनाइ छ ।

घरदैलोमै विशेषज्ञ स्वास्थ्य सेवा

जुम्ला सदरमुकाम खलङ्गादेखि पूर्वी भेगमा पर्ने गाउँपालिकाले घरदैलोमै विशेषज्ञसहितकोे निःशुल्क स्वास्थ्य शिविर सञ्चालन गरेको हो । कर्णाली स्वास्थ्य विज्ञान प्रतिष्ठान शिक्षण अस्पताल जुम्लाका चिकित्सक बुनेशकुमार बादलसहितको दर्जन स्वास्थ्यकर्मीको टोली र औषधि घरदैलोमै पु¥याएर निःशुल्क स्वास्थ्य शिविरमार्फत सेवा दिइएको हो ।

गाउँपालिकाद्वारा आयोजना गरिएको निःशुल्क स्वास्थ्य शिविरमा आँखा, कान, दाँत, हाडजोर्नी, छाला र स्त्री रोगसम्बन्धी जाँच गरिएको छ । शिविरको पहिलो दिनमै ५०० को स्वास्थ्य परीक्षण गरिएको छ ।

गाउँमै विशेषज्ञसहितको स्वास्थ्य सेवा पाएपछि स्थानीय खुशी भएको गाउँपालिका–४ डोलकाटीका लक्ष्मण बुढाले बताउनुभयो । उहाँले भन्नुभयो, “स्वास्थ्य संस्थामा औषधि अभाव र विशेषज्ञ चिकित्सकको सेवा नदेखेका स्थानीयले सहजै स्वास्थ्य सेवा पाएपछि हामी अत्यन्त खुशी छौँ ।”

पटकपटक गाउँपालिका बाहिर वा कर्णाली स्वास्थ्य विज्ञान प्रतिष्ठान शिक्षण अस्पताल जुम्लाबाट विशेषज्ञ चिकित्सक ल्याएर निःशुल्क स्वास्थ्य शिविरमार्फत स्वास्थ्य सेवा प्रदान गर्ने गाउँपालिकाको योजना रहेको अध्यक्ष बोहोराले बताउनुभयो ।

महिलाकाे पाठेघर खस्नुको खास कारण के हो ? जानकारी सहित

रासस



Loading...
loading...

Top