logo
  • Friday, April 3, 2020
  • वि.सं २१ चैत्र २०७६, शुक्रबार

राष्ट्रिय जनस्वास्थ्य प्रयोगशालाले कोरोना परीक्षण गर्न ४ वटा ल्याब थप्यो

स्टिम न्युज वि.सं ११ चैत्र २०७६, मंगलवार १६:३५
राष्ट्रिय जनस्वास्थ्य प्रयोगशालाले कोरोना परीक्षण गर्न ४ वटा ल्याब थप्यो

काठमाडौं । कोरोनाभाइरस (कोभिड १९) को आशंका गरिएका बिरामी बढ्न थालेपछि राष्ट्रिय जनस्वास्थ्य प्रयोगशालाले दैनिक ९ सय नमुना परीक्षण गर्न सक्ने गरी क्षमता विस्तार गरेको छ ।

प्रयोगशालाले ४ वटा ल्याब थप गरेको जनाएको छ । यसअघि प्रयोगशालामा एउटा ल्याबबाट मात्रै नमुना परीक्षण हुने गरेको थियो । अब ५ वटा ल्याब भएसँगै कार्यसम्पादन गर्न सहज हुने प्रयोगशालाले जनाएको छ ।

यसैबीच सोमबार संकलन भएका ५० नमुनाको रिपोर्ट नेगेटिभ आएको छ भने ६० वटा नमुनाको परीक्षण भइरहेको छ ।

कोरोनाभाइरस कोभिड (१९)को आंशकामा हालसम्म ६ सय ६० वटा नमुना परीक्षण गरिएको राष्ट्रिय जनस्वास्थ्य प्रयोगशालाले जनाएको छ ।



Loading...
loading...

Top