logo
  • Tuesday, January 21, 2020
  • वि.सं ७ माघ २०७६, मंगलवार

छक्का पञ्जा ३ को ‘पहिलो नम्बरमा’ बोलको गीत रिलिज

वि.सं १५ श्रावण २०७५, मंगलवार ११:३८
छक्का पञ्जा ३ को ‘पहिलो नम्बरमा’ बोलको गीत रिलिज

छक्का पञ्जा ३ को ‘पहिलो नम्बरमा’ बोलको गीत रिलिज

काठमाडौं,। सुपरहिट सिरिज छक्का पञ्जाको तेस्रो श्रृंखलाको पहिलो गीत सार्वजनिक भएको छ । दीपक शर्माको संगीत रहेको सार्वजनिक ‘पहिलो नम्बरमा’ बोलको गीतको शब्द राजेन्द्य्र थापाले लेखेका हुन् । स्वर डेभिड शंकर र विन्दु परियारको छ ।

कविराज गहतराजको कोरियोग्राफी रहेको गीतको भिडियोमा दिपकराज गिरी, दीपिका प्रसाईं, दिपाश्री निरौला, प्रियंका कार्की, जितु नेपाल, केदार घिमिरे, बर्षा राउत, बुद्धि तामाङ, स्वस्तिमा खड्का, सुमन गिरी (भान्जा) र संजोग कोइराला नाचेका छन् ।

गीतलाई पुरुषोत्तम प्रधान र मानकृष्ण श्रेष्ठले संयूक्त रुपमा खिचेका हुन् । यस सिरिजका ’पुर्व पश्चिम रेल’, ’देखन चम्पा’, ’ए दाजु’, ’म यता किनारामा’ गीत सवार्धिक हिट छन् ।

दीपाश्री निरौला निर्दशित ‘छक्का पञ्जा ३’ को ‘पहिलो नम्बरमा’ बोलको गीत पनि पहिलाको झैँ लोक लयमा तयार पारिएको छ । राजेन्द्र थापाका शब्द रमाइला छन् । दीपक शर्माको संगीत उत्कृष्ट छ । गीतमा डेभिड शंकर र विन्दु परियारको स्वर गज्जबको छ ।

यो फिल्ममा दीपकराजको जोडी अभिनेत्री दीपिका प्रसाईसँग बाँधिएको छ । ‘छक्का पञ्जा ३’ मा अभिनेत्री प्रियंका कार्कीको विशेष भूमिका छ भने अभिनेत्री स्वस्तिमा खड्का र अभिनेता संजोग कोइराला अतिथि भूमिकामा छन् । अभिनेत्री बर्षा राउत यसपटक सार्वजनिक गीतमा मात्र सिमित भएकी छन् ।

दशैंमा रिलिज हुने यस फिल्मको दुई सिरिज बक्सअफिसको खातामा सवार्धिक कमाउने फिल्मको सूचीमा सामेल छन् ।

 



Loading...
loading...

Top
WP2Social Auto Publish Powered By : XYZScripts.com