गुणस्तर तथा नापतौल कार्यालय काठमाडौं द्वारा दुई हजार ४४९ व्यापारी माथि कारबाही

गुणस्तर तथा नापतौल कार्यालय
नेपाल गुणस्तर तथा नापतौल विभागको कार्यालय
Advertisement

गुणस्तर तथा नापतौल कार्यालय काठमाडौं द्वारा दुई हजार ४४९ व्यापारी माथि कारबाही

काठमाडौं : यो वर्ष गुणस्तर तथा नापतौल कार्यालय काठमाडौंले दुई हजार ४४९ व्यापारीलाई कारवाही गरेको छ।

कार्यालयले चालू आर्थिक वर्षमा नाप्ने तथा तौलने यन्त्र जाँच तथा नवीकरण नगराएको भन्दै ती व्यापारीलाई कारवाही गरेको हो।

तौलमा घटी बढी गरेर सामान बिक्री वितरण गर्ने तथा समयमा नाप्ने तौलने यन्त्र परीक्षण नगर्ने व्यापारीलाई कारवाही गरेको कार्यालयले जानकारी दिएको छ।

मापदण्ड विपरीत काम गर्ने व्यापारीलाई कारवाही गरेको नापतौल कार्यालयले जनाएको छ।

चालू आर्थिक वर्षमा एक हजार ४३ व्यापारीले नाप्ने तथा तौलने यन्त्रका लागि अनुमतिपत्र प्राप्त गरेका छन् भने ४५ व्यापारीको इजाजतपत्र नवीकरण गरिएको छ ।

यस अवधिमा तीन हजार ७३४ पटक व्यापारीले नाप्ने तथा तौलने यन्त्र, ४६२ पटक पेट्रोलियम पदार्थ वितरण गर्ने पेट्रोल पम्प र ३० पटक पेट्रोलियम पदार्थ ढुवानी गर्ने ट्याङ्करलाई जाँच गरेको कार्यालयले जनाएको छ ।

गुणस्तर तथा नापतौल कार्यालय काठमाडौंलेले चालू आर्थिक वर्षमा नापतौल यन्त्र दर्ता, नवीकरण तथा पेट्रोलपम्प जाँचबाट ९२ लाख ७१ हजार ३०३ रुपैयाँ राजश्व सङ्कलन गरेको छ ।

Facebook Comments